Property Rights : आपल्या देशात संपत्तीवरून नेहमीच वाद-विवाद पाहायला मिळतात. मात्र, अनेकांना अजूनही संपत्तीच्या अधिकाराबाबत फारशी माहिती नाहीये. संपत्तीच्या कायद्याबाबत आणि नियमाबाबत लोकांमध्ये फारशी जागरूकता पाहायला मिळत नाही.
तसेच संपत्तीचे कायदे खूपच क्लिष्ट असल्याने अनेकांना हे कायदे समजत नाही. अशा परिस्थितीत आपण नेहमीच संपत्तीच्या कायद्यांची सोप्या भाषेत माहिती जाणून घेण्याचा प्रयत्न करत असतो.
जेणेकरून सर्वसामान्यांना संपत्तीचे कायदे सहज अवगत होतील. तसेच संपत्तीवरून होणारे वादविवाद आणि संपत्तीचे अधिकार सर्वसामान्यांना समजतील.
दरम्यान आज आपण संपत्तीबाबत असलेल्या भारतीय कायद्यातील एका महत्त्वाच्या तरतुदीविषयी थोडक्यात माहिती जाणून घेण्याचा प्रयत्न करणार आहोत.
खरे तर अनेकांच्या माध्यमातून आजोबाच्या संपत्तीत नातू आणि नातीचा किती अधिकार असतो याबाबत प्रश्न उपस्थित केला जात होता.
यामुळे आज आपण या प्रश्नाचे उत्तर समजून घेण्याचा प्रयत्न करणार आहोत तसेच याबाबत भारतीय कायद्यात कोणती तरतूद करण्यात आली आहे याविषयी सविस्तर अशी अपडेट पाहणार आहोत.
स्वअर्जीत संपत्तीवर नातवाचा अधिकार किती
आजोबांनी जर स्वतःच्या कष्टाने किंवा कमाई ने संपत्ती तयार केलेली असेल तर अशा संपत्तीवर नातवाचा अधिकार नसतो. आजोबांना हव्या त्या व्यक्तीला अशी संपत्ती ट्रान्सफर करण्याचा फुल अधिकार असतो.
पण, जेव्हा आजोबांचा इच्छापत्र न बनवता मृत्यू होतो अशावेळी आजोबांच्या नावे असलेले अशी स्वअर्जित संपत्ती त्यांच्या पहिल्या श्रेणीतील वारसदारांना जसे की पत्नी, मुलगा, मुलगी यांना ट्रान्सफर होते.
म्हणजेच आजोबांच्या मुलांना किंवा मुलींना अशी संपत्ती मिळू शकते. जर नातवाचे वडील जीवित असतील तर त्यांना मात्र अशा संपत्तीत अधिकार नसतो.
वडिलोपार्जित संपत्तीत किती अधिकार असतो
वडिलोपार्जित संपत्तीत नातवाचा पूर्ण अधिकार असतो. अशा संपत्तीवरून झालेल्या विवादात नातू न्यायालयात जाऊ शकतो. नातवाचा अशा संपत्तीवर आजोबा आणि वडिलांचा जसा आपल्या वडिलोपार्जित संपत्तीवर अधिकार असतो तसाच अधिकार असतो.
